/85/ demonstrare in altera vita poenarum
locum proprium assignari, multo minus vero
Daemones dari, nisi et Daemonissas concedamus,
ut ita loquar quemadmodum sentit
Cardanus in fine libri De rerum varietate et etiam in
libro De subtilitate, quapropter alia nobis utendum
refutatione. Sit igitur.
EXERCITATIO XI
Quae ex mente auctoris respondeat Diagorae.
Facile possum negare maiorem argumenti
propositionem universaliter veram
esse. In politicae enim disciplinae tabulis
scriptum est non debere Regem in sceleratos
vindicare, cum toto Regno scelerum
lues perbacchetur. Fore namque ut, non longa
temporis interposita mora, vel omnes ab
ipso subditi desciscant transfugaeque fiant,
vel Regnum suum omnino continuis suppliciis
exhauriat. Quare, cum non iustificetur
in conspectu Dei omnis vivens, si pro meritis
flagitia plecteret, brevi quidem tempore mundus
exinaniretur. Assero vero propositionem
illam de mulctandis reis necessario concludere
quoad Principem terrestrem, qui a
rebellibus oppugnari, affligi laedique potest.
Quoad Deum autem nullo modo, qui, ut
Indice
|
Pagine introduttive |
|
EXERCITATIONES |